नेपालको जस्तो लोकसंस्कृति संसारमै छैन’ : प्रम ओली
नेपालको जस्तो लोकसंस्कृति संसारमै छैन’ : प्रम ओली
Loading...
काठमाडौँ ३ माघ ।
प्रधानमन्त्री केपी शर्मा ओलीले हाम्रो देशको जस्तो लोकसंस्कृति संसारमै कमै मात्र देशमा रहेकाले यसलाई विश्वभर फैलाउनुपर्ने बताउनुभएको छ ।
नेपाल सांस्कृतिक संस्थानले आज यहाँ आयोजना गरेको ‘चौतारी साँझ–२०७२’ हेर्न पुग्नुभएका उहाँले बाँसुरी लगायतका लोक वाद्यवादनबाट निस्कने धुनमा पुर्खाका धेरै गाथा लुकेको बताउनुभयो ।
करिब ३५ सय वर्षअघिका कृष्णले बाँसुरीको धुन बजाएर धेरैलाई लठ्ठ पारेको दृष्टान्त दिँदै उहाँले भन्नुभयो, “पुर्खाबाट विरासतमा पाएको संस्कृति र वरदानमा पाएको प्रकृति दुबैमा हामी धनी छौँ ।”
सांस्कृतिक कार्यक्रममा जापानमा बसेर ‘चौतारी समूह’को नाममा नेपाली लोक संस्कृतिलाई विश्वभर फैलाउन सफल दुई दाजुभाइ पञ्च लामा र श्रवण लामाले बाँसुरीको धुनमार्फत दर्शक श्रोतालाई मन्त्रमुग्ध पारेका थिए ।
जापानी कलाकार तेरोकातोसहित प्रस्तुत भएका उनीहरुले ‘देशले रगत मागे…’, ‘ए कान्छा ठट्टैमा यो बैँस जान लाग्यो …’, हिमालयन सनसेट’, ‘सिन्धुपाल्चोक ’ लगायतका गीतका धुनलाई बाँसुरी, तबला आदि वाद्यवादनमार्फत प्रस्तुति दिएका थिए ।
सोही अवसरमा विदेशमा बसेर पनि नेपाली मौलिक सङ्गीतको प्रवद्र्धन गरेको भन्दै कलाकारद्वय लामा दाजुभाइलाई सांस्कृतिक संस्थानका तर्फबाट प्रधानमन्त्री ओलीले दोसल्ला ओढाएर मायाको चिनोसहित सम्मान गर्नुभयो ।
सांस्कृतिक संस्थानका महाप्रबन्धक राजेश थापाले लामा दाजुभाइले जापानसहित धेरै देशका सांस्कृतिक कार्यक्रमबाट उठेको रु १८ लाख बराबरको रकम यहाँका द्वन्द्वपीडित तथा भूकम्पपीडित लगायतलाई सहयोग गरेकाले उहाँहरु सम्मानको लायक रहेको बताउनुभयो ।
उक्त ‘चौतारी साँझ’ हेर्न राजनीतिक दलका नेता, विभिन्न देशका राजदूत तथा कलाकारलगायत सर्वसाधारणको बाक्लो उपस्थिति रहेको थियो । रासस
प्रतिकृया दिनुहोस्
Disclaimer:
Please note that, this site is an online news portal. The images, videos, text that are found here not from this site but comming from 3rd party video, image, texthosting sites such as youtube.com, facebook.com etc. The videos and photos are not hosted by us. so, please contact to appropriate video, image, texthosting site for any content news.
Loading...
